Albisteak

Abenduaren 12an, ostirala, Zure Perfume Tailerra egingo da Arroabean, eskola zaharrean, 17:00etatik 18:30era. Tailerrean, parte-hartzaileek esentzia naturalekin lan egingo dute, perfumeria profesionalaren tresnak erabiliz, bakoitzak bere usain pertsonala sortzeko.

Antolatzaileen arabera, Gabonetako kontsumo-giro bortitzaren aurrean, ongizatean eta naturan oinarritutako beste aukera bat eskaini nahi dute. Landareen eta loreen indar hutsez egindako lurrinek, usain atsegina izateaz gain, lasaitasuna eta ongizatea ekartzen dituzte.

Materiala barne dago, prezioa 15 eurokoa da, eta aurrez izena eman beharko da 659 49 27 01 zenbakian. Tailerra Itziar Etxeberriak eta Nerea Odriozolak gidatuko dute, @biotxik eta @maripanpoxa_oils egitasmoen eskutik.