Albisteak

Garikoitz Mendizabal bederatzigarren Gipuzkoako EAJ-PNV-ren zerrendetan

— 2024-03-11

EAJ-PNVk apirilaren 21eko Eusko Legebiltzarrerako Gipuzkoako zerrendako Urolako hautagaiak aurkeztu zituen atzo Azpeitian. Basozabal jauregian egindako jendaurreko ekitaldian, Joseba Egibar GBBko presidenteak Garikoitz Mendizabal zestoarra, babestu zuen. Gipuzkoan jeltzaleek aurkeztutako zerrendako 9. postua betetzen du Zestoako zinegotziak.

Garikoitz Mendizabal, eskertuta agertu zen alderdikideek eta GBBk emandako “konfiantzagatik”. “Harro sentiarazten nau eta prest nago nire eskarmentua herritarren zerbitzura jartzeko. Eraldaketa betean gaude: erronka demografikoa, aldaketa klimatikoa, trantsizio energetikoa, adimen artifiziala, digitalizazioa, globalizazioa… gurean ditugu. Guk abertzaletasunetik egin nahi diegu aurre desafio horiei, garena eta gurea dena defendatuz, eta horretan gaude. Kulturartekotasuna jorratuz, baina geuretik”.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide