Albisteak
Herri ikastetxeko bi gela konfinatuta eta eguneko zentroa itxita
— 2021-11-09Zestoako Herri Ikastetxeko haur hezkuntzako bi geletako haurrak konfinatuta daude bi irakaslek positibo eman ostean. Horrez gain, eguneko zentroa ere itxi egin dute gaur, bertako langile batek positibo eman duelako. Ondorioz, eguneko zentroa hamar egunez itxita egongo da. Ikastetxeko haurrak, berriz, datorren astean itzuliko dira ikasgelara.
Osasun Sailak atzo, astelehena, kaleratutako datuen arabera, lau kasu positibo zenbatu zituzten iragan astean Zestoan. Hori dela eta, intzidentzia tasa 128,40 kasutan kokatu da.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide