Otsaila 2026
— 2026-03-02Irakurri 279. zenbakia hemen.
Albisteak
Hirurogei lagunetik gora bildu zituen ‘Zestoako Mugak’ egitasmoaren lehen etapak
Danbolin— 2021-04-26Sastarrainen hasi eta Etumetan amaitu zuten ‘Zestoako Mugak’ egitasmoaren baitan antolatutako lehen ibilbidea. Beste bi egingo dituzte baina oraindik ez dute datarik konfirmatu.
Zestoako mugak eta batez ere ohikoak ez ditugun bide, paraje eta bistak ezagutzera emateko helburuarekin urteak dira Agiro Mendi Klubak ‘Zestoako Mugak’ izenburupean mendi ibilaldiak antolatzen dituela. Aurtengoan, egoera berezi honetara egokitzea tokatu zaie.
Joan den igandean egin zuten aurreneko etapa. Hirurogei lagunetik gora elkartu ziren. Mila metroko desnibel positiboa zuen ibilbideak eta lau ordu baino gutxiagoan bukatu zuten. Sastarraindik, Soldausorora, handik Ondarbasoko “aparkalekura”, Lasaora eta Sainuko gailurra eskuinera utzita, iritsi ziren Etumetara. Han, autobusa hartu eta herrira itzuli ziren.
Bigarren etapa maiatzean egingo dutela aurreikusten dute antolatzaileek eta ekainean hirugarrena. Oraindik ez dute datarik konfirmatu.
Hemen dituzue larunbatean ateratako argazki batzuk:
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
