Albisteak

Hitziturri: “igande honetan herritarrak hauteslekuetara deitzen ditugu, gure herriaren etorkizunaz iritzia eman dezaten”

— 2017-05-05

2016ko azaroaren 19an Hitziturrik aurkezpen ekitaldia egin zuen. Ordutik hona, Zestoan erabakitzeko eskubidea gauzatzeko talde eragile lanetan jardun dira Hitziturriko kideak. Igande honetako herri galdeketarekin amaituko da talde eragilearen lana. “Azken hilabeteetan herritarrak informatu eta erabakitzeko eskubidearen aldeko kanpaina egin dugu, eta igande honetan herritarrak hauteslekuetara deitzen ditugu, gure herriaren etorkizunaz iritzia eman dezaten. Gure helburua herritarrek beraien iritzia ematea da, “‘Nahi al duzu izan euskal estatu burujabe bateko herritarra?’ izango da herritarrei egingo zaien galdera” adierazi dute Hitziturriko kideek.

Alboko irudian zehazten dira igandean herritarrek bozkatzeko bete beharko dituzten arauak.

Honako hau da iganderako prestatu duten egitaraua:

9:00etan hauteslekuen irekiera.
Goizean zehar, Txistulariak ibiliko dira hauteslekuak diren toki guztietan.
Eguerdian, mokadua izango da Plazan eta trikitilariak Zestoako kaleetan ibiliko dira.
12:30ean parte hartze datuak jakinaraziko dira.
19:30ean Rodeo taldearen kontzertua Plazan.
20:00etan hauteslekuen itxiera.
20:30ean emaitza orokorrak emango dira.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide