Albisteak

Immigrazioarekin lotutako zurrumurruei aurre egiteko hiru formakuntza saio antolatu ditu Euskara Foroak

Immigrazioarekin lotutako zurrumurruen aurkako formakuntza saioak antolatu du Euskara Foroak Zestoako Udalaren, Zurrumurruen Aurkako Sarearen eta Gipuzkoako Foru Aldundiaren laguntzarekin. Hiru formakuntza saio eskainiko dituzte gaian adituak diren hiru profesionalek.

Aurreneko saioa hilaren 7an izango da. Xabier Aierdi Begirune Fundazioko zuzendariak ‘Migrazio-prozesuak: zurrumurruak eta jarrerak’ hitzaldia eskainiko dute. Otsailaren 14an, Amelia Barquin Mondragon Unibertsitateko irakasleak ‘Kulturartekotasuna. Erronkak, bideak, aukerak…’ saioa eskainiko du. Formakuntza zikloarekin amaitzeko, Asier Gallastegi Korapilatzen aholkularitza elkarteko zuzendariak ‘Zurrumurruak desegiten, pertsonekin konektatzen’ hitzaldia eskainiko du hilaren 21ean.

Saio guztiak Alonderon izango dira, eta arratsaldeko 18:00etan hasi eta 19:30ean amaituko dira. Antolatzaileek jakinarazi dute aldibereko itzulpena egongo dela hitzaldi denetan.

 

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide