Albisteak

Urolako AEK-k antolatuta, hilaren 28an Korrikaren aldeko mendi irteera egingo dute Xoxotera. Zestoako mendizaleak 09:15ean abiatuko dira Ondarbason, Agiro mendi taldearen eskutik. Ibilbide laburragoa egin nahi dutenek Aittolatik joateko aukera izango dute, 10:00etan aparkalekutik aterata.

11:30ean elkartuko dira parte-hartzaile guztiak Xoxoteko aterpetxearen bueltan; taldeko argazkia atera eta hamaiketakoa egingo dute. Azkoititik eta Azpeititik ere beste talde batzuk igoko dira.

Parte hartzeko, aurrez txartela erosi behar da (5,5 euro), eta pintxoa aukeratu: txorizoa, patata-tortilla edo gazta. Zestoan, Portalen daude salgai, hilaren 26ra arte. Pintxoarekin batera edaria ere emango dute.