Albisteak

Martxoaren 28an Korrika Zestoatik igaroko da, 17:05 inguruan. Korrika pasatu ondoren, giroari eusteko hainbat ekitaldi antolatu dituzte herrian.

Arratsaldeko 19:00etan Hamarru elektrotxaranga izango da kaleetan, eta ondoren, 21:00etan, Korrikaren aldeko barrikotea egingo dute udaletxeko arkupetan.

Barrikotean parte hartzeko txartelak dagoeneko salgai daude Portalen, 10 eurotan. Menuan txorizo egosia, patata tortilla, gazta eta menbrilloa, postrea eta kafea eskainiko dituzte; eta, noski, txotxa ere izango da.

Antolatzaileek jakinarazi dutenez, txartelak gaurtik aurrera eskuratu daitezke Portalen, eta martxoaren 26ra arte egongo dira salgai.