Albisteak

Lau kasu positibo zenbatu dituzte asteburuan gurean eta 308,17ko intzidentzia tasa dugu

— 2021-07-19

Eusko Jaurlaritzako Osasun Sailak eguerdian kaleratutako txostenaren arabera, lau positibo zenbatu dituzte Zestoan ostialetik igandera bitartean egindako PCR eta antigeno frogetan: bat ostiralean eta hiru igandean. Positiboek gora egitearekin batera, 100.000 biztanleko azken hamalau eguneko intzidentzia tasak ere gora egin du eta 308,17an kokatu da.

Orokorrean eskualdean ere okerrera egin du egoerak; Azkoitian 934,66ko tasa dute, Azpeitian 289,09koa, Zumaian 1190,60, Getarian 424,04 eta Zarauzkoa 621,06ko tasa besteak beste.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide