Albisteak

Leporaino bete zen atzo Alondero Jon Artanoren “Juana” liburuaren aurkezpenerako

Portale kultur elkarteak antolatuta, Jon Artanoren “Juana” liburuaren aurkezpena izan zen atzo, astearte arratsaldean, Alonderon. Hirurogeita hamar lagun inguru elkartu ziren herritarraren azalpenak entzutera. Pako Aristik egin zituen gidaritza lanak; Kolonbia, “Choco” eskualdea, hango bizimodu eta arazoak, Juana protagonista eta bere familia, erailketaren inguruko susmo eta beldurrak… izan zituzten mintzagai.

Gidariaren galderak eta idazlearen “spoilerrik” ez egiteko nahiaren arteko sokatiran oreka polita aurkitu zuten eta bertaratutakoen artean liburua irakurtzeko gogoa ere piztu zuten.

Eramandako liburu guztiak sinatu eta agortu ziren. Hemendik aurrera, Kerala ongizate txokoan eta Potxolo liburu dendan egongo da “Juana” liburua salgai 20 euroan.

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide