Albisteak

Zestoako jubilatu eta pentsiodunek martxoaren 11rako irteera antolatu dute Nafarroara. Egun osoko txangoan, goiza Lesakan igaroko dute, eta ondoren Doneztebe joango dira. Irteera 10:00etan izango da, eta bazkaria Doneztebeko Restaurante Santamaria jatetxean egingo dute.

Bazkariko menuan entsalada mistoa, potxak, barazki menestra, legatza erromatar erara eta txuleta zatituak izango dira aukeran; postrerako, flana izozkiarekin eta mamia eskainiko dituzte, eta bazkaria kafe eta ardoarekin borobilduko dute.

Izena emateko epea martxoaren 6ra arte izango da, edo autobusa bete arte; parte hartzeko prezioa 50 eurokoa da bazkideentzat eta 55 eurokoa bazkide ez direnentzat.