Albisteak

Covid-19ari aurre egiteko tokiko merkataritza, ostalaritza eta bestelako zerbitzu sektoreetako ekonomia indarberritzeko diru-laguntza deialdia zabalduko du bihar, asteazkena, Udalak. Diru-laguntzen xedea, tokiko jarduera sustatu nahiz suspertzea dira, eta bide batez, sektoreen jarduera ekonomikoa, enplegua eta lehiakortasuna mantentzea, Covid-19aren krisiak eragindako ondorioei aurre egin ahal izateko.

Zestoako Udalak Covid-19ak eragindako kalteak arintzeko diru-laguntza lerroa zabaldu zuen pasa den apirilean. Alarma egoeraren ondorioz jarduera ekonomikoa eteteak ekarritako kalte ekonomikoak izan zituzten norbanako, familia, ostalaritza eta komertzio txikiei zuzendu zitzaien laguntza. Oraingoan, Covid-19aren aurrean establezimenduek beren jarduera ekonomikoa egokitzeko egindako inbertsioak finantzatzeko izango dira diru-laguntzak. Guztira, 18.606,00€ bideratuko ditu deialdiari aurre egiteko. Eskaerak egiteko azken eguna abenduaren 1a izango da.

Informazio gehiago hemen.