Albisteak
Mikel Ibargurenen “Negu hurbilak” filma aukeratu du Locarnoko Jaialdiak
— 2023-07-11Mikel Ibargurenek, Ekain Albitek, Nicolau Mallofrek eta Adria Rocak zuzendu duten “Negu hurbilak” lana aukeratu dute Locarnoko 76. Zinemaldian (Suitza) . “Cineasti del Presente” sailean lehiatuko du euskarazko filmak eta aukeraketa horri esker, pelikulak mundu mailako estreinaldia izango du A klaseko jaialdian. Abuztuaren 9an izango da aurreneko emanaldia.
Zubietan grabatutako filmak ihesaldi baten historia kontatzen du, eta hango herritarrek ere hartu dute parte grabaketetan.
Lau gazteen aurreneko film luzea izan da eta Mikel Ibarguren herritarraren esanetan amets utopiko bat egi bihurtu zaio: “Futbolean Champions League txapelketa jokatzea bezalakoa”.
Irakurle, gure webgunean albiste hau irakurri baduzu, publizitate eta
erakundeen diru laguntzez gain, urtero 30 euroko diru ekarpena egiten
duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure
ekarpena egiten jarraitu nahi dugu. Proiektua sendotzen lagundu nahi
baduzu, egin zaitez bazkide.
Egin zaitez bazkide
Egin zaitez bazkide