Albisteak
Nafarroako hegoaldean euskara hauspotzen laguntzeko Errigora otarrak salgai daude Zestoan
— 2020-10-27“Nafar hegoaldeko uzta, euskarari puzka” Errigora kanpaina martxan da aurten ere Zestoan. Egitasmo honen helburua, Nafarroako hegoaldean euskara bultzatu eta indartzea da, eta horretan laguntzeko bertako baratzetako produktuekin osatutako hiru otar eros daitezke: saski beltza (betikoa 55€), saski berdea (ekologikoa 65€) eta saski zuria (berezia 75€). Jasotako diruaren %25a zonalde horretan euskalgintza sustatuz euskara hauspotzeko erabiliko da.
Herriko dendetan, tabernetan, Herri Eskolan, AEKn edo portalekulturelkartea@gmail.com helbidera mezu bat bidalita eskura daitezke, baita Errigorako webgunean ere.
Oharra: Otarrak eskatzeko azken eguna azaroaren 12a izango da.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide