Albisteak

Urola Erdiko Kontseilu Sozialistak elikagai bilketa egingo du datorren ostegunetik larunbatera. Laugarren urtez ekingo diote oinarrizko elikagai eta higiene produktuen bilketa zein banaketari.

Zabaldutako jakinarazpenean adierazi dutenez, “Inflazioa eta zerbitzuen murrizketek gogor kolpatu dute jende askoren egunerokoa, eta beraz, inoiz baino beharrezkoagoa da antolatu eta elkartasuna praktikara eramatea.” Horregatik, herritarrei dei egiten diete bilketan parte hartzera.

Bilketa martxoaren 14, 15 eta 16an egingo dute Gelasaga kalean jarriko duten postuan. Horretaz gain, ekarpen ekonomikoak egiteko moduak ere jakinarazi dituzte: Kontu korronte bitartez ES65 3035 0020 5702 0008 5892 edo 688 76 90 47 zenbakira Bizum bat eginez.

Azpeitian, Sanjuandegiko Eroskin eta Azkoitian BM eta Eroski txikian ere entregatu ahalko dira elikagaiak.