Albisteak

Opariz beteta iritsiko dira aurten ere Errege Magoak Arroabera eta Zestoara

— 2020-01-03

Urtero legez, urtarrilaren 5ean, iritsiko dira Errege Magoak Arroabera eta Zestoara. Arroabean, arratsaldeko 18:30ean dute hitzordua. Aurten, Errege Magoak errepidetik oinez jaitsiko dira auzora, haurren danbor hotsen laguntzarekin. Auzora iritsitakoan, Karmengo Amaren elizara joango dira eta han haurrei opariak banatuko dizkiete.

Zestoan, aldiz, Akoako aldapan hasiko da errege kabalkada arratsaldeko 18:15 inguruan, ilundutakoan. San Juan Egoitzako Milagrosa kaperan geldialdia egingo dute lehenik, “Jesus haurtxoari” mirra, urrea eta intsentsua eskaintzeko. Ondoren, euren ibilbidea jarraiki, Gisasola egoitzara zuzenduko dira Gesalaga kaletik. Egoitzatik irten eta plazarako noranzkoa hartuko dute Erdi kaletik gorantz. Plazara iristean, Udaletxe azpira joango dira eta haurrek euren eskutitzak emateko aukera izango dute.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide