Albisteak

Santa Zezilia ospatzera aterako dira asteartean Ertxiña musika eskolakoak

— 2023-11-15

Santa Zezilia aitzakia hartuta, azaroaren 21ean, asteartean, Ertxiña Musika Eskolako ikasleak kalera aterako dira musika jo eta abestera.

Arratsaldeko 17:30ean aterako dira eskolan banatuko zaizkien koloretako kamisetekin eta kalean zehar kalejira egingo dut. Azaroren 16an, ostegunean, banda txikiaren azken entsegua izango da arratsaldeko 19:00etan eta kalejiran parte hartuko duten haur guztiak bertara agertzeko deia egin du musika eskolak.

Batzar orokorra

Bestalde, azaroaren 27an, astelehena, Ertxiña Musika Eskolako batzar orokorra egingo da arratsaldeko 18:30ean. Bertan besteak beste ikasturteko balantze ekonomikoaren berri emango da.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide