Albisteak

Wadna eta Darahli elkarteek harrera familiak behar dituzte udan haur errefuxiatu sahararrak etxean hartzeko. EAEko 300 familia behar dira, uda honetan 8 eta 12 urte bitarteko haur saharar errefuxiatuak hartzeko. Pandemia garaian bi urtez geldirik egon ondoren, oraindik ez da lortu aurreko urteetako kopuruetara iristea.
Programaren helburuak dira, besteak beste, haurrak basamortuko udako baldintza gogorretatik aldentzea haurren osasuna hobetzea elikadura orekatuaren bitartez, oinarrizko osasun-azterketak egitea, eta beste errealitate, hizkuntza zein kultura berri bat ezagutzea.
Harrera-familia izateko prest daudenak edota informazio gehiago nahiko luketenak apirilaren 15a baino lehen Wadna elkarteko kideekin jarri harremanetan edo deitu 605 70 14 63 telefono zenbakira.