Albisteak

XX. ibilaldi neurtuan parte hartzeko aurrez izena ematea ezinbestekoa izango dela gogorarazi du Agirok

Datorren ekainaren 18an izango da Zestoako XX. ibilaldi neurtua, eta parte hartzeko aurrez izena ematea ezinbestekoa izango dela gogorarazi du Agirok. Parte hartu nahi dutenek  www.herrikrosa.eus webgunean eman dezakete izena, hamabost euroren truke. Parte hartzaile bakoitzak kamiseta bat jasoko du, eta Agiroko kideek azaldu dute aurrez izena denboraz emanez gero, kamisetak banatzeko lana errazago egingo dutela.

Bi ibilbide egiteko aukera izango da: luzea (28km) eta motza (18km). Ibilbide luzea egitea erabakitzen dutenak goizeko 7:00etan irtengo dira eta ibilbide motzekoak, berriz, 8:00retan.




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide