Albisteak

“Zestoa Geuk Egina” aplikazioa martxan dagoela gogorarazi du Udalak

— 2023-10-10

Zestoako Udalak “herritarrengandik ahalik eta gertuen egoteko” sortutako komunikazio estrategia planaren barruan, “Zestoa Geuk Egina” aplikazioa jarri zuen martxan duela hilabete batzuk.

Aplikazioa mugikorrean instalatu dezakete herritarrek eta besteak beste, zestoarrek kalean ikus ditzaketen edozein intzidentziaren berri udalari zuzenean helarazteko balioko du. Horrez gain, erakundeak argitaratzen dituen oharren, albisteen eta bestelako informazioaren berri ere badute erabiltzaileek. App-a deskargatzeko hainbat aukera daude, baina gomendagarriena Google Play eta App Store-etik zuzenean doan deskargatzea da.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide