Garikoitz Mendizabal bozeramaile jeltzaleak Udalak bainuetxearen eta udalerriaren arteko bidea hobetzeko hartutako konpromisoa bete dezala exijitu du

Zestoako EAJ-PNVk berriz ere Bainuetxea herriaren erdigunearekin lotzen duen Bide Berdearen egoera kritikoa mahai gainean jarri du. Talde jeltzaleak 2025eko azaroan egindako salaketak gorabehera, non bide horren egoera txarraz ohartarazi zen, Udalak ez du neurri zehatzik hartu azken lau hilabeteetan.

Garikoitz Mendizabal EAJ-PNVko bozeramaileak gogorarazi duenez, Hirigintza Batzordeak azaroan egindako bileran erabaki zen Udalak berehalako neurriak hartuko zituela bidea hobetzeko. Hala ere, Mendizabalek esan du lau hilabete pasa direla eta egin dena “partxeo” hutsa izan dela.

“Bide Berdearen egoera onartezina da. Azaroan salatu genuen Bainuetxearen eta udalerriaren arteko sarbidea baldintza negargarrietan zegoela, eta ez dugu aurrerapen esanguratsurik ikusi. Udal Gobernuak hobekuntza bat egiteko hartutako konpromisoa ez da bete ”, adierazi du Mendizabalek.

Bozeramaile jeltzaleak Udalak urgentziaz joka dezala eskatu du bide hori oinez zein bizikletaz erabiltzen duten oinezkoen segurtasuna bermatzeko. “Herritarrek baldintza egokian dagoen bide segurua merezi dute, eta Udalaren ardura da hartutako erabakiak betetzea. Ezin dugu onartu hain oinarrizkoa den egoera hau behar bezala konpondu gabe jarraitzea “, esan du Mendizabalek.

Zestoako EAJ-PNVk udalerriko azpiegiturak hobetzeko konpromisoa berretsi du eta Udal Gobernuak gai hau serio hartzea espero du.