Albisteak
Zestoako “Gurutze” jubilatuen etxean ezingo da jarduerarik egin bihar ostiraletik aurrera
— 2020-03-12COVID-19 dela-eta, Osasun Publikoak emandako gomendioak jarraituz, Zestoako Udalak, neurri prebentibo gisa, Jubilatu Etxea ixtea erabaki du, Jubilatu elkartearen zerbitzu administratiboak izan ezik.
Zestoako Udalaren jabetasuneko Jubilatuen etxeko erabiltzaileen artean birus hedapena murriztea da helburua. Izan ere, infekzioa, batez ere, arnas tanten bidez eta jendearen arteko kontaktu zuzenaren bidez transmititzen da, eta zentro horietan egiten diren jarduera gehienek pertsonak espazio txiki batean elkartzea dakarte.
Osasun Publikoak Jubilatu Etxeetako jarduerak berriro martxan jartzeko aukera ematen duen bezain pronto, Zestoako Udalak normaltasunez irekiko du zentroa.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide