Albisteak

Zestoako Udal gobernuak bat egin du Palestinari elkartasuna adierazteko mobilizazioarekin

— 2023-10-20

Gernika-Palestina ekinaldi herritarrak biharko, larunbaterako, Donostian deitu duen manifestazioarekin bat egin du Udal gobernuak. Honela dio:

Ezin dugu isilik geratu Israel Gazan egiten ari den sarraskiaren aurrean. Zestoa 2009tik senidetuta dago Zisjordaniako Bir Zeit herriarekin, eta gure babesa eskaini nahi diogu beste behin ere bortizkeria jasaten ari den palestinar herriari, bereziki Gazako biztanleei. Manifestazioa Antiguako tuneletik abiatuko da larunbatean arratsaldeko 17:30ean, “Gazako sarraskia gelditu! Konponbide politikoa orain! Palestinarekin elkartasuna” lelopean.

Amaitzeko, Udal gobernuak deia zabaltzen die zestoar guztiei bertaratu eta ekitaldian parte hartzera.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide