Albisteak

Zestoako Udaleko gizarte langile postua betetzeko oposizio-lehiaketako lehen azterketa egin dute 24 lagunek

— 2019-02-19

Zestoako Udaleko Gizarte langile lanpostua betetzeko oposizio-librearen lehenengo azterketa egin dute gaur goizean 24 lagunek. Goizeko 09:30ean hasi da froga eta ordu eta laurdeneko denbora izan dute aukera anitzeko 50 galderako azterketa betetzeko.

Udalak joan den urteko uztailaren 17an egin zuen lanpostu hau betetzeko oposizio-librearen aurkezpena. Guztira, 44 pertsona aurkeztu ziren eta horietatik bi baztertuak zituzten. Datozen ariketen deialdiak Udaletxeko iragarki taulan eta Zestoako Udaleko web orrian iragarriko dira.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide