Albisteak
Zestoako XXI. Ibilaldi Neurtuan parte hartzeko izena eman behar da ekainaren 14a baino lehen
— 2023-05-31Datorren ekainaren 17an izango da Zestoako XXI. Ibilaldi Neurtua. Agiro mendi klubak antolatzen du urtero egitasmoa, Zestoako Udala eta Ekainberriren laguntzarekin. Bi ibilbide egongo dira aukeran: luzea, 29 kilometrokoa (irteera 7:00etan) , eta motza, 19 kilometrokoa (irteera 8:00etan).
Antolatzaileek jakinarazi dute parte hartu nahi dutenek ekainaren 14a baino lehen eman beharko dutela izena www.herrikrosa.eus atarian, hamabost euro ordainduta. Webgunean izena emateko arazoak izanez gero, kiroldegian arreta zerbitzua izango da martxan, gaur, bihar eta etzi, arratsaldez.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide