Albisteak

33. urtemuga ospatuko du gaztetxeak

Zestoako gaztetxeak 33. urtemuga ospatuko du apirilean zehar. Hilaren 8tik 28ra bitartean askotariko ekintzak antolatu dituzte gazte asanbladako kideek. Apirilaren 8an emango diote hasiera egitarauari bertsio gauarekin. 10erako “Gaztetxeko urteak oroituz” izenburupean argazki erakusketa antolatu dute. Ondoren, luntx-tertulia izango da.

Apirilaren 12an, 18an eta 25ean berriz, santakutzetako prestaketekin hasiko dira. Hilaren 15ean umeen eguna izango da eta eskulan tailerra eta Iago magoaren ikuskizuna antolatu dute egun horretarako. 16an Erresistentzia Kutxa Nazionalaren aldeko jaialdia ospatuko dute eta egun osokoan ekintzak izango dira: pala txapelketa, elkartasun argazkia, bertso bazkaria eta amaitzeko, DJ gaua. Asanbladako kideek jakinarazi dute bazkarirako txartelak eskura daitezkeela Portale tabernan.

Hilaren 23an izango da egun handia: urtemugako festa egingo dute. Eguerdian manifestazio izango da Indarrak biderkatzeko gaztetzea zentrora lemapean eta ondoren, triki-poteoa egingo dute herriko kaleetan zehar. Eguerdian, bazkaria egingo dute eta ondoren, Raimundo el Canasteroren kontzertua izango da arkupetan. Arratsaldean, berriz, txarangak kalejira egingo du plazatik gaztetxera eta eguna amaitzeko, Display, Bake Faltsua eta eta Rodeo taldeek kontzertu bana eskainiko dute. Amaitutakoan, DJ HGSk emanaldia eskainiko du. Urtemugako ospakizunak hilaren 28an amaituko dituzte, santakutzetako entseguarekin eta pintxo-potearekin.

EGITARAUA:

Apirilak 8, ostirala

  • 22:00 Bertsio gaua.

Apirilak 10, igandea:

  • 18:00 Argazki erakusketa: “Gaztetxeko urteak oroituz”. Ondoren, luntx-tertulia.

Apirilak 12, asteartea:

  • 17:00 Auzolana: santakutzetako prestaketa.

Apirilak 15, ostirala: Umeen eguna

  • 16:00 Eskulan tailerra arkupetan.
  • 17:30 IAGO Magoaren magia ikuskizuna arkupetan. Ondoren, txokolatada.

Apirilak 16, larunbata: EKN eguna

  • 10:00 Pala txapelketa frontoian.
  • 13:00 Elkartasun argazkia plazan.
  • 14:30 Bertso bazkaria: Aitor Bizkarra eta Jon Gurrutxaga (Bazkarirako txartelak salgai Portale tabernan)
  • 22:00 DJ gaua gaztetxean: DJ Costmix, DJ Triki eta DJ Murxi.

Apirilak 18, astelehena:

  • 10:30 Auzolana: santakutzetako prestaketa.

Apirilak 23, larunbata: Urtemugako festa

  • 12:00 Manifestazioa: Indarrak biderkatzeko gaztetxea zentrora lemapean. Ondoren, triki-poteoa herriko kaleetan zehar.
  • 15:00 Bazkaria.
  • 17:00 Kontzertua arkupetan: Raimundo el canasterio.
  • 19:30 Txaranga: plazatik gaztetxera.
  • 20:00 Kontzertuak gaztetxean: Display, Bake Faltsua eta Rodeo. Ondoren, DJ HGS.

Apirilak 25, astelehena:

  • 16:00 Auzonala.
  • 19:00 Santakutzetako entsegua.

Apirilak 28, osteguna:

  • 18:30 Santakutzetako entsegua. Ondoren, pintxo-potea.



Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide