Albisteak
77,04ra jaitsi da Zestoako intzidentzia tasa
— 2021-06-07Astebete baino gehiago pasa da herrian azken kasua hauteman zutenetik.
Eusko Jaurlaritzako Osasun Sailak kaleratu berri duen txostenaren arabera, ez dute kasu positiborik hauteman asteburu honetan Zestoan. Astebete baino gehiago da kasurik zenbatu ez dutela herrian. 100.000 biztanleko azken hamalau eguneko intzidentzia tasa 77,04ra jaitsia da.
Eskualdean 40 kasu zenbatu dituzte ostiraletik igandera bitartean egindako PCR eta antigeno frogetan. Horietatik gehienak Azkoitian hautamen dituzte, hamabost hain zuzen ere. Intzidentzia tasak 500etik gorakoa izaten jarraitzen du han. Azpeitian, berriz, hamaika positibo zenbatu dituzte, bederatzi Zumaian, hiru Zarautzen eta bana Getaria eta Orion.
Irakurle, gure webgunean albiste hau irakurri baduzu, publizitate eta
erakundeen diru laguntzez gain, urtero 30 euroko diru ekarpena egiten
duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure
ekarpena egiten jarraitu nahi dugu. Proiektua sendotzen lagundu nahi
baduzu, egin zaitez bazkide.
Egin zaitez bazkide
Egin zaitez bazkide