Albisteak

[ARGAZKIAK] Goizean goiz hasi dira santa eskean baserriz-baserri Zestoako taldea

— 2023-02-04

Larunbata izanik azken aldian baino kide gehiago dabil Zestoako santa eskeko taldean. Goiz parteko ibilbidean, Etorra eta Sastarrain bailaran, izan da berrikuntzarik, jai eguna tarteko baserrietan haur eta gazteak atera dira ateetara. Lilibean ere izan da taldea aspaldiko partez. Salda beroa, san blas opilak, mokadutxoak eta tragoak batean eta bestean. Eguna hasi besterik ez da egin. Aurten kalea eta tabernak goizez egingo dituzte eta bazkal ondoren Akoa bailaran izango dira.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide