Albisteak

Herriarteko txapelketan parte hartzen ari diren Zestoako bi taldeek, hurrengo faserako txartelak eskuratu dituzte. Gomazko palako taldeak Zumaian jokatu zuen ostiral arratsaldean. 3 partidak irabazi zituzten: banaka (10-20), binaka ( 8-20) eta zazpiaren barruan ( 19-20). Joan etorriko partida guztiak irabazita pasako dira hurrengo fasera. Datorren ostiralean Hernaniren aurka jokatuko dituzte final laurdenetako partidak, arratsaldeko 18:30ean hasita, Zestoako kiroldegian.

Eskuzko taldeak Tolosaren aurka jokatu zuen larunbat goizean, Amezketako frontoian. 2-1 irabazi zuten Tolosako taldearen aurka. Kadeteak ( 19-22), jubenilak (6-22) eta nagusiak (22-9). Joan etorriko partiden emaitza 3-3 izan zenez, aldeko eta kontrako tantoak hartu zituzten kontuan hurrengo fasera pasatzeko, eta zestoarrek lortu zuten txartela. Final laurdenetako partida Andoainen aurka jokatuko dute, larunbatean, arratsaldeko 18:30ean, kiroldegian.