Albisteak

[BIDEOA] Arroabean giro ezin hobea egon zen atzo Karmen egunean

— 2024-07-17

Atzo, uztailak 16 ospatu zen Karmen eguna Arroa behean. 12:00etan mezak eman zion hasiera jaiari eta jarraian Zestoako Itxaropena dantza taldeak emanaldia eskaini zuen pilotalekuan.

Arratsaldean, 17:30ean hasi ziren herri kirolak, aizkoran Mikel Larrañaga eta Julen Alberdi Txikia IV.a aizkolariek ibili ziren eta harri jasotzen Joseba Ostolazaren eskolako Udane eta Elene Ostolazak eta Imanol Royo Lartainek eta Jokin Eizmendik. Ondoren inguruko sagardoen dastaketa eta pintxoak eskaini zituzten frontoian, Etxebarria aita-semeak giroa alaitzen zutelarik.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide