Nola dago bidegorriaren kontua? Zerbait egingo al dugu?
— 2017-10-05Kaixo lagunok:
Zumarraga-Zumaia bidegorriaz ari gara. Amaitu gabeko bidegorria behingoz bukatzea nahi dugu, behar dugu.
Horretarako, elkarlanean orain arte egindakoaz eta egin daitekeenaz iritziak partekatu eta proposamenak lantzeko bilera batetara deitu nahi ditugu herritarrak.
Batetik, arruarrak bidegorriaren inguruko berri emango digute, urratutako bidea zein izan den agertzeaz gain burutu dituzten ekimenak azalduko dizkigute bertan. Bestalde, martxa bat antolatzeko proposamena luzatuko da.
Ahalik eta herritar gehienen atxekimendua eta bultzada lortu nahi da, bidezko eskaera hau, lelo izatetik errealitate izatera bihurtzeraino, “HERRIAK LOTU BIDEGORRIA AMAITU”.
Beraz, datorren astelehenean urriak 9, arratsaldeko 19:30ean, Zestoako kultur etxean izango den bilerara gonbidatu nahi zaitugu.
Egin zaitez bazkide
IRUZKINDU