Albisteak

Aimar Arreitunandiak urrea lortu du asteburuan Espainiako 4×100 errelebo txapelketan

— 2021-06-22

Asteburuan Nerjan (Malaga) jokatu zen 23 urtez azpikoen Espainiako Txapelketa. Bertan izan zen Aimar Arreitunandia zestoarra Real Socied talde txuri urdineko atletismoko taldearekin. Zazpi domina lortu zituen taldeak asteburuan, horietako bat 4×100 erreleboan, non, Arreitunandiak, John Cabang, Ibai Fernandez eta Ander Urangarekin batera, urrezko domina lortu zuen. Kategoria honetako Gipuzkoako errekorra lortu zuten (41.56).

Ez da aurreneko aldia Arreitunandiaren berri ematen duguna webgune honetan. Bigarren postuan sailkatu zen urtarrilean burutu ziren Gipuzkoako Atletismo txapelketako 60 metroko frogan eta 2018an brontzezko dominak lortu zituen Gipuzkoa eta Euskadiko Atletismoko Sub-20 txapelketetan.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide