Aizarna.. auzoz auzo!!!
— 2023-05-17
AIZARNAZestoak duen berezitasunetako bat bere azalera zabala da, eta hau, noski, auzoetan isladatzen da. Sarri entzuten dugu fokoa Zestoako herrian jartzen dugula eta auzoak, nolabait, bigarren lerroan edo geratzen ote diren.
Sentipen edo iritzi hori aldatzeko borondatea eta asmoa dugu. Horretarako konpromiso zehatzak hartzen ditugu. Garrantzitsua iruditzen zaigu, hasteko, auzoentzako kopuru itxi bat bideratzea
aurrekontuetatik urtero, auzokideekin hitz egin ondoren zehaztuko dena.
Jarraian Aizarnarako, zure auzorako, hartzen ditugun bestelako konpromisoak:
Urtero aurrekontuetan Aizarnarako diru atal bat bideratuko dugu.Aparkalekuen inguruan hausnarketa egin eta ondorioak atera ondoren irtenbide bat proposatuko dugu.Telekomunikazioen inguruan internet zabalagoa izan dadin lan egingo dugu. Egon daitezken bestelako behar eta gabeziak auzokideekin elkarlanean eta auzolanean landuko ditugu.Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
