Albisteak

Aldaketa izango dira kiroldegiko funtzionamenduan

Gaurtik hasita, hainbat aldaketa izango dira kiroldegiko funtzionamenduan. Orain arte, bazkideek soilik zuten kirol instalakuntzak erabiltzeko aukera baina gaurtik aurrera, egun bateko sarrera ordainduta ere sartu ahal izango da. Bestalde, eguerdiko 12:15etatik, 15:45era zabalik egongo da kiroldegia, jarraian eta itxierarik gabe. Ordutegi horretan 65 urtetik gorakoek izango dute makinak erabiltzeko lehentasuna. Azkenik, crossfit-eko aretoa zabalduko dute, hiru pertsonako edukiera mugarekin.

Erabiltzaileek ez dute hitzordua hartu behar kiroldegira sartu ahal izateko. Ane Carrere kirol koordinatzaileak azaldu du gauza momentuz “lasai” dagoela. Txanda hartu behar ez bada ere, edukiera mugatua dela nabarmendu du.