Abendua 2025
— 2025-12-29Irakurri 277. zenbakia hemen.
Albisteak
Aner Rodriguezek eta Kepa Iribarrek irabazi dute Arroa Beheko Udaberriko I. Argazki Rallya
Danbolin— 2021-06-09Guztira 20 lagunek hartu dute parte rallyan. Ateratako argazkiekin osatutako erakusketa ikusteko aukera izango da ekainaren 23tik 27ra bitartean.
Gaur goizean jakinarazi dituzte Arroa Beheko Udaberriko I. Argazki Rallyko irabazleen izenak. Aner Rodriguezek eskuratu du lehen postua 16 urte bitartekoen kategorian eta Kepa Iribarrek 16 urtetik gorakoenean. Mikel Rodriguezek bigarren postua eskuratu du 16 urtetik beherakoen kategorian eta Maria Iribarrek hirugarren postuan sailkatu da. Eduardo J. Merino izan da 16 urtetik gorakoen kategorian bigarren eta Itxaso Agirrezabalaga hirugarren.
Guztira, 20 auzotarrek hartu dute parte: zortzi haur eta hamabi heldu. “Arroabeko nire leku gustukoena” gaitzat hartuta, 34 argazki aurkeztu dituzte denen artean eta argazki horietatik onenak aukeratu dituzte F11 Zestoako Argazki Elkarteko Joxean Ulaciak, Eduardo Agirrek eta Adiel Zabalak. Rallyko sari banaketa ekainaren 18an egingo dute, ostirala, arratsaldeko 19:00etan hasita. Bestalde, ekainaren 23tik 27ran bitartean aurkeztutako argazki guztiak ikusgai izango dira antolatzaileek prestatuko duten erakusketa batean.
Hemen dituzue argazki sarituak:
16 urtetik beherako kategorian
Lehenengo saria: Aner Rodriguez
Bigarren saria: Mikel Rodriguez
Hirugarren saria: Maria Iribar
16 urtetik gorakoen kategorian:
Lehenengo saria: Kepa Iribar
Bigarren saria: Eduardo J. Merino
Hirugarren saria: Itxaso Arrizabalaga
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
