Albisteak

[ARGAZKIAK] Beroak ez ditu arroarrak beldurtu

— 2022-07-16

Atzo, ostiralez hasi ziren Arroabean Karmen jaiak. Atzoko parrandari jarraiki, karrozan atera dira girorik freskoenean, goizeko 6etan, hainbat arroar. Eguerdi aldera, berotzen hasita bazegoen ere, txikienak puzgarrietan ibili dira eta kuadriletako sukaldari ordezkariak paella prestatzen. Pandemiaren etenaren ondoren, giroa zentzu guztietan zegoen bero gaur Arroabean. Lehiaketa eta gero, 14:30ak aldera izango da bazkaria eta ondoren, kuadrilen arteko jolasak egingo dituzte zezenekin. Arratsaldeko giroari eusteko GOTx elektrotxaranga izango da 19:00etan eta gauean kontzertu bikainak; UNIDAD ALAVESA, IHESKIDE eta DJ BULL.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide