Albisteak
[ARGAZKIAK] Herri afari jendetsua egin dute Aizarnan
— 2022-08-13Atzo hasi ziren Aizarnako amabirjinak. Arratsaldean pilota partida bikaina ikusteko aukera izan zen frontoian, eta iluntzean, herri afari jendetsua egin zuten plazan. Hamarnaka lagun bildu ziren mahaien bueltan afari eder batez gozatzeko. Ondoren, Bide batez musika taldearen doinuek alaitu zuten giroa.
Berehala sartuko dira berriro ere festa giroan auzotarrak. Izan ere, haurrentzako altxorraren bila jolasa hasiko da 11:30ean. 13:30ean umeen bazkaria egingo dute eta amaitzean helduena. Arratsaldeko 17:00etan ginkana izango da eta ondoren, txokolatada. Iluntzean Zestoako Manitu taldea igoko da oholtza gainera, eta amaitzeko, DJ Pajaritoren musikarekin dantzatzeko aukera egongo da.
Argazkiak: Aizarnako erredakzio taldea
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide