Albisteak

Eguraldia lagun izan ez badute ere, Korrika txikia egin dute gaur goizean Arroabean. Hasiera batean 11:30ean eskolatik ateratzekoak baziren ere, atertu duen unea baliatuta abiatu dira haur eta irakasleak korrika. Ohiko ibilbidea laburtu eta zuzenean frontoira jo dute.

Frontoian, bertaratu diren senideekin batera dantzan aritu dira, eta amaieran hiru ikaslek lekukoan zegoen mezua irakurri dute.

Arratsaldean iritsiko da Korrika Arroabera, eta badago zer egina zain egon bitartean:

16:45 – Arroako VIII. Ipuin Lehiaketako sari banaketa, plazan
17:00 – Txokolatea eta tailerrak plazan
(tailerrerako komuneko edo sukaldeko paperaren tutuak ekartzea eskatu dute)
17:00–17:30 – “Petoneta” furgoneta Arroan (petoak 6 euro, txartelarekin ordaindu behar da)
17:45–18:00 inguruan – Korrika iritsiko da Narrondotik