Otsaila 2026
— 2026-03-02Irakurri 279. zenbakia hemen.
Albisteak
[ARGAZKIAK] Makilak eskuan eta baserritar jantziak soinean, kopla kantari aritu dira goizean
Danbolin— 2026-02-04Santa Ageda bezpera da gaur, eta tradizioari eutsiz, makilak eskuan eta baserritar jantziak soinean kalera atera dira goizean goizetik herrian. 8:30ak aldera atera dira gurutzetik eta Legoian hasi dira kantuan. Triki eta pandero doinuek lagunduta, kopla kantari aritu dira Danel Olano, Gorka Olaizola eta Unai Sarasua eta giro ederra sortu da.
Etorra eta Sastarrain bailaretan barrena ibili dira goizean, eta Gisasola egoitzan geldialdia egin ondoren, herriko hainbat tabernatatik pasa dira. Ipintza elkartean bazkaldu dute parte-hartzaileek, indarrak hartu eta arratsalderako prestatzeko.
Arratsaldean, Akoa auzoan ibiliko dira kantari, eta 16:30ak aldera San Joan egoitzara joango dira. Jarraian, kaleak eta gainontzeko tabernetatik pasako dira.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
