Albisteak

[ARGAZKIAK] Udal Biltegi Nagusia jantoki bihurtu zen atzo

— 2023-09-03

Euri zaparradak tarteko, orain Udal biltegi nagusia den garai bateko Caravan Parken atondu zen atzo gazte eguneko bazkaria. Antton Ao Povo-Herrira herri ekimenak deituta 300 lagun inguru elkartu ziren bertan, eta kanpoko eguraldiarekin ahaztuta, giro bikaina sortu zen biltegian. Urteroko bazkariaren ondoren, frontoian egitekoa zen bertso saioa ere han izan zen. Miren Artetxe eta Unai Iturriagarekin batera, urterokoa den, Jon Maia bertsolaria ere oholtza gainera igo zen. Bere “segidilla” entzuteko aukera izan da aurten ere.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide