Albisteak

Argindar kontsumoa ezagutu eta murrizteko neurriak hartzeko tailerra izango da maiatzaren 7an

“Gipuzkoa argitu” programaren baitan, argindar kontsumoa ezagutu eta murrizteko neurriak hartzeko tailerra antolatu du Udalak Foru Aldundiarekin elkarlanean. Datorren maiatzaren 7an izango da hitzordua, arratsaldeko 18:30ean, Gaztelekuan.

Programaren helburua, argindar kontsumoaren murrizketa sustatzea da era erraz eta soil batean. 2015ean, proiektu pilotu bat gauzatu zuten etxeetako argindar kontsumoaren murrizketa eta eraginkortasun energetikoa sustatzeko. Proiektu honi esker, parte hartu zuten 400 etxeek argindar kontsumoa ia %6 murriztea lortu zuten.

Tailerrean parte hartzeko ezinbestekoa da maiatzaren 3rako aldez aurretik izena ematea (ingurugiro@zestoa.eus helbidera idatzita edo 943 147 010 telefonora deituta eman daiteke izena). Bost lagun baino gutxiagok izena emanez gero, tailerra ez da burutuko.