Albisteak

Gaur, astelehena, emango diete hasiera Arroabeko Karmenei eta igandera bitartean izango da zer egin eta zertaz gozatu auzoan. Arratsaldeko 18:00etan baserriz baserri ibiliko dira auzotarrak eta 20:00etan txupinazoa bota eta bandera igoko dute. Ondoren, herri afaria izango dute eta tripa ondo betetakoan, dantzarako ordua izango da.

Hemen duzue festetako egitaraua:

Uztailak 15, astelehena – Karmen bezpera

18:00. Karroza herriko baserrietan zehar.

20:30. Txupinazoa eta bandera igoera.

21:00. Herri afaria.

23:00. Dj-a.

Uztailak 16, asteartea – Karmen eguna

12:00. Meza. Ondoren, dantzariak.

13:00. Trikitilariak.

18:00. Tortilla patata lehiaketa.

19:00. Herri kirolak.

22:00. Anari elizako atarian.

Uztailak 18, osteguna – Jubilatuen eguna

12:00. Jubilatuen meza. Jarraian, emakumeen pilota partida.

14:00. Jubilatuen bazkaria. Ondoren, trikitilariek alaituko dute bazkalosteko giroa.

19:00. Pala txapelketako finala

22:00 Bertsolari Gazteen IV. Saioa

• Libe Goenaga (Getaria)
• Oier Etxeberria (Azpeitia)
• Julene Iturbe (Azkoitia)
• Mikel Iturriotz (Urretxu)
• Aitor Zubikarai (Itziar)

Uztailak 19, ostirala – Umeen eguna

10:00. Ume jolasak. Amaitzean, umeen bazkaria.

16:00. Puzgarriak eta txokolatada. Ondoren, apar festa.

20:00. Poteoa herritarren BTK batukadarekin. Jarraian, herri afaria.

23:00. Kontzertuak: Radio Rahim / Los Zopilotes Txirriaos. Ondoren, Tirri & Tery goizaldera arte

Uztailak 20, larunbata – Koadrilen eguna

10:30. Paella lehiaketaren hasiera.

14:00. Koadrilen bazkaria.

17:30. Koadrilen arteko jolasak Lopeneren zezenekin.

19:00. Elektrotxaranga.

23:00. Kontzertua: Gozategi. Ondoren, goiz aldera arte DJ Bull.

Uztailak 21, igandea

12:00. Meza nagusia. Ondoren, Lopeneren abereak.

18:00. Arroa Beheko XI. Trikitilari Gazteen Txapelketa. Ondoren, sagardo dastaketa eta pintxoak.

00.00. Bandera jaitsiera.