Albisteak

Abuztuaren 14tik 17ra ospatuko dituzte aurtengo Amabirjina festak Aizarnan.

Txupinazoa, abuztuaren 14an ostegunez, botako dute arratsaldeko 18:00etan. Ondoren, Trikipoteoa egingo dute Enaitz Alberdi eta Julen Ruedak giroa alaitzen dutelarik. 21:00etan herri afaria eta gauerditik aurrera Olgetan erromeriarekin amaituko dute lehen festa eguna.

Abuztuak 15, Amabirjina egunean, jubilatuen hamaiketakoarekin emango diote hasiera ospakizunari, ondoren 12:30ean, hiru pilota partida lehiatuko dira: Bergara/Lizarralde vs Aranburu/Iraola, Azkue/Artetxe vs Uria/Alonso eta Egiguren/U.Egiguren vs Sasiain/Alonso. Arratsaldean herri kirol erakustaldia izango da 18:00etan eta iluntzean 22:30etik aurrera Garixe eta Lanberri trikitilariek dantzaldia eskainiko dute.

Umeentzako egun handia, ostirala abuztuak 16 izango da. 11:00etan umeen txupinazoa, 11:30ean ur jolasak eta ondoren haur eta gurasoen bazkaria egingo dute. Indarrak hartu ondoren 17:00etan ginkana jolasa eta 18:30ean txokolatadaz gozatu ahalko dute bertako zein kanpoko haurrek. 19:00etan Adabaki ikuskizunarekin borobilduko dute eguna. Afalostean, gogoa duenarentzat, DJ Patxekin festa egiteko aukera izango da 23:00etatik goizeko 5:00ak arte.

Abuztuak 17, larunbata, izango da festetako azken eguna eta goizean goizetik hasiko dira ekintzak, izan ere, oilasko biltzearen irteera goizeko 7:00etan daukate. 11:00etan ume eta gaztetxoen krosa lehiatuko dute eta jarraian 12:00etarako paellak prest izan beharko dira. Bazkaria ordea ez da 15:00ak arte hasiko, baina bitarte horretan, oilasko biltzaileak irizterakoan ohiko dantza egingo dute plazan.  Bazkariaren atzetik izango da oilasko biltzaileen amaiera. Eta festei bukaera Dj Davilak emango die 23:00etatik aurrera.

2024ko egitaraua:

Abuztuak 14, asteazkena:

18:00 Txupinazoa
18:00-21:00 Trikipoteoa. Enaitz Alberdi eta Julen Ruedarekin
21:00 Herri Afaria
00:00-03:00 Olgetan erromeria

Abuztuak 15, osteguna:

Jubilatuen hamaiketakoa
12:30 Pelota partidak
1.Bergara/Lizarralde vs Aranburu/Iraola
2.Azkue/Artetxe vs Uria/Alonso
3.A.Egiguren/U.Egiguren vs Sasiain/Alonso
18:00 Herri kirolak
22:30-01:00 Trikitilariak. Garixe eta Lanberri

Abuztuak 16, ostirala:

11:00 Umeen txupinazoa
11:30 Ur jolasak ondoren haur eta gurasoen bazkaria
17:00 Jinkana
18:30 Txokolatada
19:00 Adabaki Ikuskizuna
23:00-05:00 Dj Patx

Abuztuak 17, larunbata:

7:00 Oilaskobiltzeko irteera
11:00 Ume eta gaztetxoen krosa
12:00 Paella prest
Oilasko biltzaileen dantza plazan
15:00 Bazkari Herrikoia (Paella)
Oilasko Biltzaileen Amaiera
23:00-03:00 Dj Davila