Albisteak
Barrerak jartzen hasi dira
— 2023-08-04Abuztua heltzearekin batera hasi dira udaletxeko brigadako langileak festetarako plaza prestatzen. Aurreneko barrerak jartzen hasi dira Iraeta etxearen aurrean. Aurtengo amabirjin jaiak irailaren 7tik 10era bitartean ospatuko dira. 7 arratsaldean botako dute txupinazoa, 8a Amabirjin eguna izango da 9a kuadrillena, eta 10ean umeen bazkaria. Zekorketak 8an eta 10ean izango dira.
Aurreko asteburuan, irailaren 2an eta 3an, gazte eguna eta jubilatuen eguna ospatuko dira. Gazte eguna larunbatean izango da, eta aurten, Ondarbasora igoera goizez egingo dute. Ondoren, bazkari herrikoia izango da. Iluntzean, Lin Ton Taun eta EH Sukarrak kontzertu bana eskainiko dute. Igandean, berriz, jubilatuen eguna ospatuko da.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide