Azaroa 2025
— 2025-12-03Irakurri 276. zenbakia hemen.
Albisteak
Bi ekintza berezi antolatu ditu Gaztelekuak Pazko Asteko oporraldirako
Danbolin— 2025-04-04
Argazkia: Bizkaia Park Abentura
Gaztelekuak bi jarduera berezi prestatu ditu Pazko Asteko oporraldirako, Lehen Hezkuntzako 3. zikloko eta DBHko ikasleei zuzenduta.
Lehen hitzordua apirilaren 24an, ostegunez, izango da. Arratsaldeko 16:00etatik 19:00etara, ginkana batean parte hartuko dute hiru orduz.
Bigarren ekintza, berriz, apirilaren 25ean, ostirala, izango da. Egun osoko irteera antolatu dute Bizkaiko Gueñes herrian dagoen Bizkaia Park Abentura jolas gunera. Irteerara joan nahi dutenek 15,45 euro ordaindu beharko dute.
Bertaratzeko autobus zerbitzua egongo da:
Irteera Zestoan: 9:00etan, gurutzetik.
Irteera Aizarnan: 8:45ean, plazan.
Irteera Arroabean: 8:45ean, Olaetako autobus geltokian (Zestoarako norabidean).
Txangoaren amaieran, 17:00 eta 17:15 artean izango da itzulera.
Bi ekintzetan parte hartu nahi dutenek apirilaren 11 baino lehen eman beharko dute izena, WhatsApp bidez mezua bidalita zenbaki honetara: 688 68 40 29.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
