Albisteak
Bi kasu positibo zenbatu ditu Osasun Sailak azken egunetan herrian
— 2020-10-14Osasun Sailaren datuen arabera, bi kasu positibo zenbatu dira azken bost egunetan Zestoan. 100.000 biztanleko 14 eguneko intzidentzia tasa 208,71 kasukoa da herrian.
Urola Kostan guztira 28 kasu baieztatu dira azken 24 orduetan, horietako 15, Azpeitian. 100.000 biztanleko 14 eguneko intzidentzia tasa 836,93koa da bertan. Hori dela eta, kasu positiboak detektatu eta COVID19aren hedapena mugatzeko PCR bidezko behaketa selektiboa egingo dute. Azkoitian ere egin dute behaketa eta froga egin duten herritarren %1,14k eman dute positibo.
Osakidetzak 7.466 PCR proba egin ditu Gipuzkoan, Araban eta Bizkaian azken 24 orduetan eta horietatik 410 positibo detektatu dira: 179 Bizkaian, 186 Gipuzkoan eta 39 Araban. Atzotik gaurrera, EAE-tik kanpo bizi diren 6 pertsonak ere positibo eman dutela jakinarazi du Osasun Sailak. Nafarroan, berriz, 3.013 PCR proba egin dira eta horietatik 378 kasu positibo baieztatu dira.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide