Albisteak

Biolur elkartearen 30. urteurrena ospatuko dute igandean Iraetan

— 2023-07-03

Gipuzkoan nekazaritza ekologikoaren alde ari den Biolur elkarteak 30. urteurrena ospatuko du datorren igandean, uztailak 9, Iraetan. Goizean batzar nagusia egingo dute eta eguerdian Amillubi Txiki baserria eta inguruko lurrak bisitatuko dituzte. Gero bazkaria egingo dute frontoian, eta ondoren kontzertua izango da.

Ospakizunetan parte hartu nahi dutenek, gaur iluntzera arte izango dute izena emateko aukera, Biolurrera deituta (943 76 14 47) edo biolur.eus webgunean.

Hemen egitaraua:

10:30 Bazkideei zuzendutako batzar nagusia

12:30 Amillubi Txikira bisita

14:00 Ekitaldia

14:30 Bazkaria

16:30 Monsanto Kilombo taldearen kontzertua

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide