Albisteak

Poliki-poliki ari gara ekainaren 22ko egun osoko Danbolin Azokarako gauzak jasotzen. Pasa den astean, asteazkenean, Arroabean egin genuen aurreneko bilketa, ostegunean, berriz, Aizarna, Arroagoia eta Iraetan, eta azkenik, ostiral arratsaldean eta larunbat goizean, Udalak Zubimusun duen brigadako lokalean egon ginen.

Asteburu honetan ere bertan egongo gara eta Danbolinek dirua lor dezan gauzak emateko aukera izango da. Gogoratu, ez dela etxeko garbiketa egiteko aukera, Danbolinek dirua lortu nahi du herritarrek emandako hori saltzen jarrita, beraz, txukun dauden gauzak behar ditugu. “Hau Danbolini emango diot ea honekin diru pixka bat lortzen duten” esateko modukoak; altzari txikiak (ispilu, mesanotxe, oheburuko, pertxeroak…), dekorazio objektuak (loreontziak, erlojuak, figuratxoak…), abrigo edo txamarrak, bizikleta, patinete edo patinak…, osagarriak, etxetresna txikiak…

Azokari buruz gehiago jakiteko, hemen.

Jasoketa Zestoan, Brigadaren Zubimusuko lokalean:
👉 Ekainak 7, ostirala (17:00-19:30)
👉 Ekainak 8, larunbata (10:00-13:00)