Albisteak

23. urtea da Agiro Mendi Klubak Ibilaldi Neurtua antolatzen duela eta aurtengoa larunbat honetan, hilaren 21ean, izango da. Ohi bezala, bi ibilbide egongo dira aukeran: bata, 20 kilometroko ibilbide motza, 458 metroko desnibelarekin; eta bestea, 27 kilometroko ibilbide luzea, 504 metroko desnibelarekin. Bi kasuetan, ibilaldia Zestoan hasi eta amaituko da, eta ibilbidean zehar Aizarnazabal, Indamendi, Urdaneta, Bekola eta Aizarna zeharkatuko dituzte parte-hartzaileek.

Osteguna izango da izena emateko azken eguna. Parte hartzeko, 15 euro ordaindu beharko dira, eta trukean opari bana jasoko du bakoitzak. Izen-ematea herrikrosa.eus atarian egin beharko da. Antolatzaileen esanetan, momentuz 60 lagun inguru baino ez dira izena eman dutenak, eta herritarrak animatu nahi dituzte parte hartzera.