Albisteak
Ekainaren 21ean izango den XXIII. Zestoako Ibilaldi Neurturako izen-ematea zabaldu dute
Danbolin— 2025-04-1723. urtea da Agiro Mendi Klubak Zestoako Ibilaldi Neurtua antolatzen duela eta aurtengoa ekainaren 21ean, larunbata, izango dela iragarri du. Ohi bezala, bi ibilbide egongo dira aukeran: bata, 20 kilometroko ibilbide motza, 458 metroko desnibelarekin; eta bestea, 27 kilometroko ibilbide luzea, 504 metroko desnibelarekin. Bi kasuetan, ibilaldia Zestoan hasi eta amaituko da, eta ibilbidean zehar Aizarnazabal, Indamendi, Urdaneta, Bekola eta Aizarna zeharkatuko dituzte parte-hartzaileek.
Izen-ematea jada zabalik dago, gaurtik, apirilaren 17tik, hasi eta ekainaren 19ra arte. Parte hartzeko, 15 euro ordaindu beharko dira, eta trukean opari bana jasoko du izena ematen duen bakoitzak. Izen-ematea herrikrosa.eus atarian egin beharko da.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
